Ватанпарварлик ойлиги Тўрткўл туманида кўтаринки кайфиятда ўтказилмоқда
Тўрткўл тумани марказида жойлашган О.Худойшукуров номидаги маданият саройида ўтказилган тадбир Ватан посбонлари, эл тинчлиги йўлидаги зафарли ишларни ўз зиммасига олган ички ишлар ходимлари ва уларнинг оилалари ҳамда келажагимиз ҳисобланмиш ёшлар билан ўтказилди.
Тўрткўл тумани ҳокимлиги, ички ишлар бўлими, туман маданият бўлими ҳамда мудофаа ишлари бўлимлари билан ҳамкорликда ташкил қилинган ушбу тадбирни туман ички ишлар бўлими бошлиғи З.Заитов олиб борди. Табрик учун сўзга чиққан туман ҳокими Я.Бабаджанов ички ишлар ходимларининг юрт фаровонлиги йўлидаги масъулиятли вазифалари ҳақида ҳамда Юртбошимизнинг ёшларга билдираётган ишончи, эътибори ҳақида гапириб ўтди. Ички ишлар бўлимида бир неча йиллар ишлаб нафақага чиққан фахрийлар ва муддатли ҳарбий хизматни ўтаб юрган йигитларнинг ота-оналари ҳам сўзга чиқиб юртимизда яратилаётган имкониятлардан миннатдорчиликларини билдирдилар.
Шундан сўнг тумандаги тўртта сектор раҳбарлари, Ўзбекистон Республикаси Президентининг Тўрткўл туманидаги халқ қабулхонаси мудири ҳамда тегишли ташкилот раҳбарлари иштирокида ички ишлар ходимлари ҳамда уларнинг оилалари аъзоларнинг таклифлари мурожаатлари тингланди. Билдирилган мурожаатлар ўз ечимини топиши учун тегишли ташкилот раҳбарларига топшириқлар берилди.
Тадбирнинг кейинги, яъни тақдирлаш қисмида туман ички ишлари бўлимида ўзига юклатилган вазифани сидқидилдан бажариб келаётган бир қатор фаол ходимлар туман ҳокимлиги томонидан фахрий ёрлиқлар билан тақдирландилар.
Бугунги кунда муддатли ҳарбий хизматни ўтаётган туманимиздаги 28 нафар ёшларимизнинг ота-оналари ҳам ушбу тадбирга таклиф қилинган бўлиб, уларга ҳам туман ҳокимлигининг эсдалик совғалари тақдим қилинди.
Тадбирга нафақат туман хонандалари, балки Ӯзбекистон давлат филармонияси Қорақалпоғистон Республикаси бӯлинмасидан Қорақалпоғистонга хизмат кўрсатган артист Саламат Қаллибеков, эстрада хонандалари Алишер Алламбергенов, Нурсулыӯ Төрениязоваларнинг шўх куй–қўшиқларига уланиб кетди.
