Имараттың ашылыў салтанатына район ҳәкими Д.Толыбаев қатнасты ҳәм районды комплексли социал-экономикалық раўажландырыў бағдарламасы шеңберинде қурылысы жуўмақланған жаңа имараттың, халқымыз ийгилиги жолында хызмет етиўине исеним билдирип, бәршени қутлықлады.

Соң, районлық Бәнтликке көмеклесиў орайы директоры Ш.Джанашевқа символлық гилт тапсырылды.

Имараттың қурылыс майданы 1250 метр квадратты қурайды. Сметалық баҳасы  1,19 млрд сўм болып, қурылыс жумыслары “Давр қурылыс” жуўапкершилиги шекленген жәмийети тәрепинен әмелге асырылды.

Қурылыс барысында, объектте пуқаралар ушын арнаўлы күтиў ханалары, мәжилислер залы, архив, қосымша 2 хана, сондай-ақ, орайда жумыс алып барыўшы 18 ден аслам хызметкерлер ушын қолайлы жумыс орталығын жаратыў мақсетинде, заманагөй инвентарлар менен тәмийинленди.