“НӘЎШЕ ГҮЛЛЕРИ”НДЕ БАЛАЛАР КҮЛКИСИ
Қанлыкөл районы “Наўрыз” аўыл пуқаралар жыйыны аймағында “Нәўше гүллери” жеке шерикшилик тийкарында шөлкемлестирилген мәмлекетлик емес мектепке шекемги билимлендириў шөлкеми ашылды.
Ашылыў салтанатына Қарақалпақстан Республикасы Министрлер Кеңеси баслығының орынбасары, Ҳаял-қызлар комитети баслығы З.Ибрагимова, район ҳәқими Д.Толыбаев қатнасты.
Жеке исбилермен Шийримхан Бекниязова басшылығында қурылысы жуўмақланған бақша 50 орынға мөлшерленген. Қурылыс майданы 3200 метр квадрат болған имараттың улыўма баҳасы 1 млрд 750 млн сўмды қурайды.
Бәрше қолайлықларды өзинде жәмлестирген Мектепке шекемги билимлендириў шөлкеми иске түсиўи менен аймақтағы 7 ҳаял-қыздың бәнтлиги тәмийинленди.
