Húrmetli watanlaslar, qádirli kásiplesler!

Bársheńizdi elimizge kirip kelgen Nawrız bayramı menen qızǵın qutlıqlayman.

Ázelden miyrim-shápáátli, miynetsúygish xalqımız kewline jaqsılıq nurların taratıp atırǵan bul payızlı kúnde diyqanlarımız jerge jaqsılıq tuqımların sewip, xalqımızdıń dásturxanına bereket tileydi. Milliy qádiriyatlarımız, dástúrlerimiz keńnen úgit-nesiyatlanadı.

Gúllán xalqımızǵa jańa kún, jańalanıw áyyamı-Nawrız múbárek bolsın. Elimiz tınısh, aspanımız ashıq bolsın.

Usınday quwanıshlı kúnlerde xalqımızǵa bayram keypiyatın inam etip, saz-sáwbeti, biytákirar dóretiwshiligi menen xalqımız kewline kóterińkilik baǵıshlap atırǵan filarmoniyamız jámáátine tabıslar tileymen.
Bayramıńız qutlı bolsın!

Aydosbek Bekpanov,
Ózbekstan mámleketlik filarmoniyası Qaraqalpaqstan Respublikası bólimi direktorı