Húrmetli kásiplesler, qádirli hayal-qızlar!

Eń dáslep, elimizge kelgen jasarıw, jańalanıw máwsimi bolǵan báhár áyyamı menen bársheńizdi qutlıqlayman.

Hayal – ullı, hayal – ardaqlı. Jámiyetlik hám mámleketlik turmısta hayal-qızlarımızdıń ornı sheksiz. Sizlerdi qutlı áyyam – 8-mart – «Xalıqaralıq hayal-qızlar kúni» bayramı menen Ózbekstan mámleketlik filarmoniyası Qaraqalpaqstan Respublikası bólimi hayal-qızlar jámáátin, sonday-aq, sizlerdiń tımsalıńızda elimizdegi barlıq analar, apa-qarındaslarımızdı shın júrekten qutlıqlayman.

Ádiwli ananlar, qádirli hayal-qızlar!
Jáne bir márte báhár hám gózzallıq bayramı – Xalıqaralıq hayal-qızlar kúni múnásibeti menen Siz ázizlerge eń jaqsı tileklerimizdi bildiremiz. Shańaraǵımızǵa quwanısh, turmısımızǵa gózzallıq alıp kiriwshi analarımız, apa-qarındaslarımız, baxıtımızǵa hámiyshe saw-salamat bolıń.
Ómirińiz uzaq, ıǵbalıńız ziyada bolsın!

Bársheńizge bayram múbárek bolsın!

Sheksiz húrmet penen,

Aydosbek Bekpanov,
Ózbekstan mámleketlik filarmoniyası Qaraqalpaqstan Respublikası bólimi direktorı