Ҳүкимет қарары (236-сан, 20.03.2019 ж.) менен “Мәденият ҳәм көркем өнер пидәйысы” көкирек белгиси ҳаққында реже тастыйықланды.

Нызамшылықтағы_жаңалықлар
Ҳүкимет қарары (236-сан, 20.03.2019 ж.) менен “Мәденият ҳәм көркем өнер пидәйысы” көкирек белгиси ҳаққында реже тастыйықланды.
Режеге муўапық, көкирек белгиси менен мәмлекетимизде мәденият ҳәм көркем өнер тараўын раўажландырыў, өзбек миллий мәденияты ҳәм көркем өнери абырайын жәҳан көлеминде асырыў, жас талант ийелериниң қәбилетин ҳәм уқыплылығын жүзеге шығарыў барысында пидәкәрлық мийнет ислеген ҳәм жоқары нәтийжелерге ерискен пуқаралар сыйлықланады.
Көкирек белгиси менен сыйлықлаў бойынша усыныслар ҳәр жылы 1 – октябрге шекем аймақлық мәденият басқармаларына усыныс етиледи.
Мәденият министрлиги кандидатлардың ҳүжжетлерин үйренип шығып, ҳәр жылы 1-декабрге шекем ең мүнәсиб кандидатлар бойынша ақырғы жуўмақ шығарады.
Көкирек белгиси Жаңа жыл байрамы қарсаңында мәденият министри тәрепинен салтанатлы рәўиште тапсырылады.
Көкирек белгиси менен сыйлықланған шахслар ең кем айлық ис ҳақының 3 есеси муғдарында бир мәрте төленетуғын пул сыйлығы алады.