«JAŃLA SAZÍM, JAŃA ZAMAN HAWAZÍ» ATLÍ ESABAT KONCERTI
2022-Jil 14-15-dekabr kúnleri Ózbekstan mámleketlik filarmoniyası Qaraqalpaqstan Respublikası bóliminiń dóretiwshilik jámááti 2022-jıl juwmaǵına baǵıshlanǵan náwbettegi esabat koncert baǵdarlamasın xalqımızǵa inam etti.
«Jańla sazım, jańa zaman hawazı» atamasında bolıp ótken bul koncertte, filarmoniyamızdıń «Ámiw tolqını»folklor etnografik, «Gúlzar»folklor, «Muxalles»duwtarshılar, «Qosıq hám oyın» ansamblleri, «Xalıq sazları» orkestrı, Ózbekstan hám Qaraqalpaqstanǵa xızmet kórsetken artistler, «Zúlfiya», «Nihol» mámleketlik sıylıqları laureatları qatnasıp, jıl dawamındaǵı erisilgen jetiskenlikleri hám dóretiwshiliktegi jańalıqların, qosıqların, kórkem ónerge muxabbatı bólek tamashagóylerimizge inam etti.
Atap aytatuǵın bolsaq, Qaraqalpaqstanǵa xızmet kórsetken artistlerimiz, B.Temirbaev, M.Nurjanova, S.Qallibekov, R.Atajanov, A.Úsenova,Z.Jaqsıbaeva,
L.Seytmuratova, Qaraqalpaqstanǵa miyneti sińgen mádeniyat xızmetkeri K.Xitjanov, «Nihol» sıylıǵı laureatı G.Utepova, estradamız juldızları A.Allambergenov,A.Asqarov, Q.Ámetov, dirijyorlarımız,S.Reymov, M.Xabipov, xosh hawaz iyeleri, M.Tólegenova, B.Qazaqbaev, Q.Muratov, U.Doshbaev, U.Allaniyazova,G.Saytova, D.Doshbaeva,N.Tóreniyazova,
S.Erbaeva,Z.Ibragimova, D.Abdimov, A.Dáwletov, G.Joldasbaeva, R.Yusupov, D.Turǵanbaeva, S.Kewlimjaev, T.Tilewmuratov,P.Xalmuratov, N.Tlewov,B.Ismetullaev, I.Abdullaev, Sh.Jumabaev, hám filarmoniyamızdıń oyınshı qız-jigitleri qatnasıp, tamashagóylerge joqarı keypiyat baǵıshladı.
Solay etip, kórkem ónerimizdiń qara qazanında qaynap júrgen, filarmoniyamızdıń dóretiwshileri tárepinen tayarlanǵan esabat koncertiniń juwmaqlawshı keshesi joqarı dárejede óz juwmaǵına jetti.
Buniń ayqın dáliyli, keshemizge jiynalıp, koncert sońına shekem mádeniy hám ruwxıy zawıq alıp, tamashalap otırǵan keshe qatnasıwshılarınan ańlasaq boladı.
Óz náwbetinde, filarmoniyamızdıń dóretiwshilik jámáátine bálent párwazlar tilep qalamız.
Ózbekstan mámleketlik filarmoniyası Qaraqalpaqstan Respublikası bólimi málimleme xızmeti
