Онда район прокуроры Н.Джоламанов, район ҳәкиминиң орынбасары А.Жуманиязов Өзбекстан Республикасы Президентиниң Қараөзек районындағы Халық қабыллаўханасы баслығы Б.Мамутов шығып сөйлеп Өзбекстан Республикасы Президенти Шавкат Мирзиёевтың 2019-жыл 27-декабрь күнги Ташкент қаласындағы Мухаммед ал-Хорезмий атындағы мектепте Республикамыздың бир қатар белсенди жаслары менен ушырасыўында белгилеп берген бир қатар ўазыйпалар, жаратып берген имканиятлар менен жасларды таныстырыў, Президентимиздиң жасларға жаратып атырған имканиятларынан үнемли пайдаланыўлары ушын районымыз жасларына зәрүр шәрт-шәрайытлар жаратып бериў зәрүр екенлиги атап өтилди.
Ушырасыўда Өзбекстан Республикасы Президенти басламасы менен алға сүрилген бес әҳмийетли басламаның екинши бағдарын орынлаў бойынша спорттың волейбол түринен жарыс шөлкемлестирилди. Жарысқа аймақтағы мектеплерден спортшы жаслар қатнасып, өз-ара беллести. Жарыс жуўмағында женимпаз командаларға шөлкемлестириўшилер тәрепинен диплом ҳәм естелик саўғалар тапсырылды. Ушырасыўда аўыл жасларына республикамыздан келген бир қатар эстрада жулдызларының йошлы концерт бағдарламасы қойып берилди. Концертке Өзбекстан мәмлекетлик филармониясы Қарақалпақстан Республикасы бөлиминен эстрада қосықшысы Арысланбек Асқаров қатнасты.
Иләж соңында “Ҳәр бир жас 20 нәл” жойбары тийкарында сол аймаққа жақсы нийетлер менен мийўе нәллерин отырғызды.
