Орол тағдири – келажак тағдири
Ўзбекистон Ёшлар иттифоқи Қорақалпоғистон Республикаси Кенгаши аъзоларидан иборат бир гуруҳ ёшлар Орол денгизининг қуриган тубида “яшил қопламалар” – ҳимоя ўрмонзорларини барпо этиш ишларида маҳаллий ва Ўзбекистон Республикасининг барча вилоятларидан келиб меҳнат қилаётган ишчилар ҳолидан хабар олиш, уларнинг машақатли меҳнат жараёнлари билан танишиш мақсадида мазкур ҳудудга ташриф буюрди.
Ташриф давомида ёшлар саксавул ва бошқа ўсимликлар уруғларини йиғиш ва уларни экиш жараёнлари билан яқиндан танишди ҳамда ишчиларга қўл кўмакларини бериб, турна қатор тизилган трактор ва саксавул уруғларини сепаётган самолётлар бошқарувчилари билан чин дилдан суҳбат қилди.
Барча вилоятлардан келган ичши-ходимлар каби денгизнинг салкам
200 километр ичкари ҳудудларида ҳам ичши-ходимлар, жумладан маҳаллий механизаторлар меҳнат қилмоқда.
200 километр ичкари ҳудудларида ҳам ичши-ходимлар, жумладан маҳаллий механизаторлар меҳнат қилмоқда.
Мазкур ҳудудда Ўзбекистон Республикаси Президенти маслаҳатчиси Т.Худайбергенов, Қорақалпоғистон Республикаси Жўқорғи Кенгеси Раиси М.Ерниязов ҳамда Вазирлар Кенгаши Раиси Қ.Сариевларнинг ёшлар билан учрашуви ташкил этилди.
Самимий мулоқотда ёшларнинг Орол денгизининг қуриган тубида амалга оширилаётган кўламли ишлар мазмун-моҳияти ва ўз ҳоқиш-истаклари ҳақидаги фикр-мулоҳазалари тингланди.
Бундан сўнг ўтов ва палаткалар тикилган денгиз туби ичра ёшлар томонидан Она Ватан, Мўйноқ ва Орол денгизи тубида амалга оширалаётган бунёдкорлик ишларига ҳамоҳанг кўй-қўшиқлар таралди.
– Биз Оролни ва орол фожияси оқибатларини юмшартиш йўлида сидқидилдан меҳнат қилаётган ватандошларимизни ўз кўзимиз билан кўриш мақсадида ташриф буюрдик, – деди Ниҳол мукофати совриндори С.Аяпов. – Аммо, уларнинг мана шундай қийин шароитда меҳнат қилаётганларини кўриб бизниг ҳам уларга ёрдам бергимиз, Орол тағдирига бефарқ бўлмаган ҳақиқий фидоий инсонлар ёнида туриб меҳнат қилгимиз келди. Чунки Орол тағдири – биз келажак ёшларнинг ҳам тағдиридир.
Қорақалпоғистон Республикаси Вазирлар Кенгашининг Ахборот хизмати
