Мўйноқ туманида бир қатор объектлар фойдаланишга топширилди

Туман бандликга кўмаклашиш маркази биносини янгидан қуриш ишларига Меҳнат вазирлиги томонидан
1 млрд. 664 млн. сўм маблағ ажратилиб, қурилиш ишлари жорий йилнинг июнь ойида бошланган эди. Қурилиш ишлари пудратчи “Арал бойы қурылысшылары” МЧЖ томонидан олиб борилиб декабрь ойида тўлиқ якунланди.
Марказнинг биноси 2 қаватдан иборат бўлиб, бино марказнинг бугунги кундаги фаолиятини олиб боришда бўлимнинг ҳар бир ходими учун алохида хоналар билан таъминланган. 1-қаватда ишсиз аҳоли ва мурожаат этувчиларга хизмат кўрсатиш мақсадидаги очиқ вестюбльдан иборат

Мўйноқ туманининг “Бозатаў” ОФЙ Шағирли аҳоли пунктида “Аружан Бердиғали қизи” якка тартибдаги тадбиркор Халқ банкнинг туман филиалидан ажратилган 50 млн. сўм кредит маблағи ва 10 млн. сўм ўз маблағи ҳисобидан ўзига тегишли бинони таъмирлаб ва замонавий ускуналар харид қилиб, нон ва нон маҳсулотларини ишлаб чиқаришга цехини ишга туширди.

Туман марказида тўйхона ташкил этиш ва мавжуд умумий овқатланиш тармоғини кенгайтириш мақсадида, “MOYNAQ SERVIS” МЧЖга “Қишлоқ қурилиш банк” АТБ томонидан 1 млрд. сўм миқдорида кредит маблағи ажратилган.
Тадбиркор томонидан, ажратилган кредит ҳамда 100 млн. сўм ўз маблағи ҳисобидан, мавжуд бинода тўла таъмирлаш ишлари олиб борилди. Илгари тадбиркор томонидан 3D зал сифатида фойдаланилиб келинаётган зал, замонавий кўркам тарзда таъмирланиб, 200 киши ўринга мўлжалланган шинам тўйхонага айлантирилди.
Мазкур лойиҳа ишга туширилиши билан, 10 иш ўрни яратилган.