Имараттың ашылыў салтанатына Қарақалпақстан Республикасы Мәденият министри Қ.Турдиев, район ҳәкими Д.Толыбаев қатнасты ҳәм жаңа жыл алдынан жаңа имараттың қурылысы жуўмақланыўы менен бәршени қызғын қутлықлады.

Соң, районлық Мәденият бөлими баслығы Ə.Длимовқа символлық гилт тапсырылды.

Имараттың қурылыс майданы 750 метр квадратты қурайды. Сметалық баҳасы 4,498 млрд сўм болып, “Нөкис қурылыс экспертиза” жуўапкершилиги шекленген жәмийети  тәрепинен қурып питкерилди. Қурылыс даўамында объектте 180 орынға мөлшерленген зал, 5 дөгереклер ушын арналған кең ханалар, сондай-ақ, заманагөй инвентарлар менен тәмийинленди.

Илаж даўамында, бәрше мийманлар ушын, Қарақалпақ эстрадасының көрнекли ўәкиллери атқарыўында йошлы концерт бағдарламасы инам етилди.

Концертке Өзбекстан мәмлекетлик филармониясы Қарақалпақстан Республикасы бөлиминен Қарақалпақстанға мийнети сиӊген мәденият хызметкери Караматдин Хитжанов, эстрада қосықшыларынан Руслан Юсупов, Нурсулыӯ Төрениязова, Арысланбек Асқаровлар ҳәм аяқ ойыншы қызларымыз  қатнасты.