Халқора инвестицион форумнинг очилиш маросими бўлиб ўтди
Жорий йилнинг 15-ноябрь санасида Қорақалпоғистон Республикаси Нукус шаҳрида Халқаро ивестицион форумнинг очилиш маросими ташкил этилди.
Форумда Жанубий Корея, Россия Федерацияси, Хитой, Саудия Арабистони, Покистон, Афғонистон, Қозоғистон, Озарбайжон каби ўндан ортиқ давлатлардан 70 нафарга яқин вакиллар иширок этди.
Очилиш маросимида Қорақалпоғистон Республикаси Жўқорғи Кенгеси Раиси М.Ерниязов, Ўзбекистон Республикаси Бош вазири ўринбосари Э. Ғаниев ҳамда Ўзбекистон савдо-саноат палатаси раиси А.Икрамовлар нутқ сўзлади.
Таъкидланганидек, Муҳтарам Президентимиз Ш.М.Мирзиёев раҳбарлигида Ўзбекистон Республикасига, жумладан, Қорақалпоғистонга чет эл инвестицияларини жалб қилиш орқали ҳудудда ҳамкорликдаги лойиҳаларни амалга ошириш, Оролбўйи ҳудудидаги экологик вазиятни яхшилаш борасида кўламли ишлар амалга оширилмоқда.
Хусусан, 2018 йилнинг 15-16 декабрь кунлари Қорақалпоғистон Республикасида “Янги Мўйноқ-янги имкониятлар” мавзусидаги бизнес форуми, жорий йилнинг 24-25 октябрь кунлари эса “Оролбўйи – экологик инновациялар ва технологиялар ҳудуди” халқаро конференция ташкил этилиб, мазкур тадбирлар якунлари бўйича Оролбўйи ҳудуди мисолида самарали натижаларга эришилганди.
Мазкур саъй-ҳаракатларнинг мантиқий давоми сифатида “2019 йил – Фаол инвестициялар ва ижтимоий ривожланиш йили”да ташкил этилаётган навбатдаги форумни ўтказишдан асосий мақсад ҳам Қорақалпоғистон Республикасига салоҳиятли чет эл инвесторларини жалб қилиш ва у орқали ҳудудда ишлаб чиқариш корхоналарини ташкил этиш ва янги иш ўринларини яратиш, шунигдек, бизнес форум доирасида иштирокчиларни ҳудуднинг инвестицион, экспорт ва туристик салоҳияти, инвесторлар учун жорий қилинган, божхона ва солиқ имтиёзлари билан яқиндан таништиришдир.
Ҳақиқатдан ҳам Қорақалпоғистон Республикасининг инвестицион салоҳияти каттадир. Ҳудуд ҳали фойдаланилмаётган ресурсларга жуда бой.
Форум давомида йиғилганларга Ўзбекистон Республикаси ва Қорақалпоғистоннинг инвестицион ва туристик саолияти акс эттирган тақдимот намойиш этилди.
Ўз навбатида форумда иштирок этаётган чет эл инвесторлари Қорақалпоғистонда ҳамкорликда бизнес юритиш истагини билдиришди.
–Ҳудуддаги инвестицион муҳит менга жуда мақул келди, – деди Жанубий Кореядаги “КАРИС Ко ЛТД” компаниясининг ижроия директори Ю.Чел. – Мазкур имкониятлардан фойдаланган ҳолда Қорақалпоғистон Республикаси Беруний туманида цемент ишлаб чиқариш заводи лойиҳасига инвестиция киритмоқчиман. Уйлайманки, ҳамкорликдаги бизнес лойиҳамиз келгусида икки томонлама фойда келтиради.
Шунингдек, форум давомида Хитойлик йирик компания вакили Нукус шаҳар ҳокимлиги билан ташкил этилиши кўзатилаётган “Арал Алюминиум инвест груп” алюминий маҳсулотларини ишлаб чиқариш лойиҳасига ҳамкорлик қилиш истагини билдирди.
Форум якунлари ва жами эришилган натижалар ҳусусида келгуси саҳифаларда батафсил маълумот тақдим этилади.
