«Беш ташаббус-беш имконият» ёшлар фестивали Беруний туманида бўлиб ўтди.

Жорий йилнинг 9-октябр куни «Беш ташаббус-беш имконият» ёшлар фестивали Беруний туманида бўлиб ўтди. Ёшларга берилаётган эътибор, уларнинг бўш вақтларини мазмунли ташкил этиш борасида Ўзбекистон Республикаси Президенти Ш.М.Мирзиёв томонидан, Ёшлар билан ишлаш самарадорлигини юксалтириш мақсадида илгари сурилган 5 та муҳим ташаббус муҳим аҳамият касб этмоқда. Ташаббуслар доирасида олиб борилаётган ишлар, ёшларнинг юксак натижаларга эришишга мустаҳкам асос бўлмоқда. Эрталаб бошланган югуриш марафони, сардорлар учун ўқув семинарлар, тадбиркорлик сирлари, китобхонлик, сиз севган қаҳрамонлар, спорт мусобақалари, ёш оилалар учун психологик семинар, ёшлар боғида ёш рассомлар кўргазмаси, мусиқа ва санъат усталарининг ўқув машғулотлари, кибер спорт ўйинлари, сузиш, қувноқлар ва зукколар, мактаб синфхоналарида ўқувчилар кундалигининг биринчи варағига “Ватан остонадан бошланади” стикерини қўйиш, карьера машғулотларида қатнашиш бутун Беруний ёшларини қамраб олди. Кўтаринки кайфият байрамона руҳда ўтган ташаббус куннинг иккинчи ярмида “Хоким ва ёшлар учрашуви” билан давом этди. Ёшларнинг таклифларига ва берилган саволларига жавоб очиқ мулоқот тарзида олиб борилди. Туман Ҳокими томонидан “Ёш китобхон” кўрик танловининг Қорақалпоғистон Республикаси босқичида фаол қатнашган 2 нафар ўқувчи №-21 сонли мактабдан Ахмедова Солиха, 48 сонли мактаб ўқувчиси Норбоева Хосиятларга Планшет совға қилинди. Ёшлар боғида туман маданият бўлими хаваскорлари ва тўғарак катнашчилари иштирокида концерт дастури намойиш килинди.