⚡️FILARMONIYA DÓRETIWSHILERI «KÓRKEMLIK KEŃES»TEN ÓTKERILDI

Usı jıldıń 12-13-sentyabr kúnleri Ózbekstan mámleketlik filarmoniyası Qaraqalpaqstan Respublikası bólimi janınan shólkemlestirilgen «Kórkemlik keńes»tiń gezektegi májilisi bolıp ótti.
Onda filarmoniya quramındağı «Ámiw tolqını» folklor- etnografiyalıq, «Gúlzar» folklor, «Muxalles» duwtarshılar hám «Qosıq hám oyın» ansamblleri menen birge «Xalıq sazları» orkestrinde jumıs alıp barıp atırğan dóretiwshi xızmetkerlerdiń kásiplik sheberligi sınnan ótkerildi.
Eki kún dawamında kórkemlik keńes ağzaları filarmoniya dóretiwshi xızmetkerleriniń óz qániygelikleri boyınsha alıp barılıp atırğan jumısları menen hár bir dóretiwshi xızmetkerdiń kásiplik talap hám májbúriyatların, bilim dárejesin, sonday-aq, búgingi kúnge shekem alıp barğan dóretiwshilik jumısları menen birge jámiyetlik iskerligin sınnan ótkerdi.