Жыл жуўмағы додаланды

10-январь күни Қарақалпақстан Республикасы Мәденият министрлиги тәрепинен ZOOM платформасы арқалы министрликке қараслы мәкемелерде 2021-жылда әмелге асырылған жумысларды додалаў ҳәм 2022-жылғы алдағы турған ўазыйпаларға арналған коллегия мәжилиси өткерилди.

Оған министрлик аппараты хызметкерлери, министрликке қараслы республикалық, қала ҳәм районлық мәкеме басшылары менен жоқары оқыў орынлары менен балалар музыка ҳәм көркем өнер мектеплериниң директорлары, жуўапкер хызметкерлер қатнасты.

Мәжилисти Министр Қ.Турдиев басқарып барып барды ҳәм 2021-жылда министрлик ҳәм оған қараслы мәкемелер тәрепинен алып барылған жумысларға кеңнен тоқталып өтти. Сондай-ақ, жыйналыста Бердақ атындағы Қарақалпақ мәмлекетлик академиялық музыкалы театры директоры А.Ниетуллаев, Өзбекстан мәмлекетлик филармониясы Қарақалпақстан Республикасы бөлими директоры Б.Есемуратов, Нөкис қалалық Мәденият бөлими баслығы Ш.Юлдашев, Әмиўдәрья районлық Мәденият бөлими баслығы Ш.Юсуповлардың өткен «Жасларды қоллап-қуўатлаў ҳәм халықтың бәнтлигин тәмийинлеў жылы» даўамында алып барылған жумыслары ҳәм 2022-жыл даўамында әмелге асырылыўы белгиленген жумыслар бойынша есабатлары тыңланды.
Мәжилис даўамында басқа да мәселелер додаланып, тийисли тапсырмалар белгилеп алынды.

Министрликтиң мәлимлеме хызмети