Мўйноқ туманининг бир қатор жойларида аҳоли, ёшлар ва ўсмирлар билан учрашув бӯлиб ӯтди.

2020 йилнинг 10 январь куни Ўзбекистон Республикаси Бош прокурори ўринбосари С.Саидкаримов, Бош прокуратура бошқармаси бошлиғи Б.Науризбаев ва Қорақалпоғистон Республикаси прокурори ўринбосари С.Файзиев Мўйноқ туманининг бир қатор жойларида аҳоли, ёшлар ва ўсмирлар билан учрашди:

1. Мўйноқ тумани Мамбетмуратов кўчаси 4-уйда яшаган марҳум А.Бердимуратовнинг хонадонига бориб, оила аъзолари холидан хабар олинди. Хонадон эгаларига зарур озиқ-овқат маҳсулотлари берилди, оилада тарбияланаётган 3 нафар вояга етмаганларга компьютер совға қилинди. Шу билан бирга, мазкур хонадонга борилганда маҳалланинг фаоллари ва нуроний отахонлари билан учрашув ўтказилиб, уларнинг муаммолари ва таклифлари эшитилди.
2. Мўйноқ тумани “Хаким ота” ОФЙнинг “Қизилжар” овулида жойлашган 16-сонли умумтаълим мактаби ва ОФЙ “Дўстлик” овулида жойлашган 18-сонли умумтаълим мактабидаги фаолияти билан танишилди. Мактабларда ўқувчилар ва педагогик жамоалар билан суҳбатлашилди. Учрашув жараёнида мактаблар учун спорт анжомлари ва бадиий китоблар совға қилинди.
3. Ногиронлиги бўлган ёшлар билан суҳбатлашиш учун “Бозатау” ОФЙ “Шағирли” овулида яшовчи ёшлар К.Избасханов ва А.Жуманазаров, 5-МФЙда яшовчи Н.Серикбоевнинг хонадонига бориб, уларнинг ҳолидан хабар олинди. Учрашув давомида К.Избасхановга қўлтиқтаёқ, А.Жуманазаровга эшитиш мосламаси, Н.Серикбоевга ногиронлик аравачаси берилди.
4. Мўйноқ туманида уй шароитларида ўқийдиган 17 нафар мактаб ўқувчиларнинг ўқиш ва яшаш шароитлари билан танишишга киришилди. Уларнинг ҳар бирига ўқув қуроллари жамланмаси совға қилинди.