Ўзбекистон давлат филармонияси Қорақалпоғистон Республикаси бўлинмасининг ҳисобот концерт дастури
Жорий йилнинг 20 декабрь кунида Ўзбекистон давлат филармонияси Қорақалпоғистон Республикаси бўлинмаси томонидан тайёрланган жонли ижродаги ҳисобот концерт дастури бўлиб ўтди. Концерт дастурида «Аму толқыны» фольклор этнографик ансамбли, «Гульзар» фольклор ансамбли, «Мухаллес» дуторчилар, «Ашула ва рақс» ансамбллари, «Халқ созлари» оркестри ҳамда хушовоз хонандалар иштирокида шўх куй, қўшиқ ва рақслар “Кино концерт” залига ташриф буюрганларга аъло кайфият улашди.
Ўзбекистон давлат филармонияси Қорақалпоғистон Республикаси бўлинмаси 1979 йил ташкил топган. Кейинчалик 1996 йил ушбу жамоа “Ўзбекнаво” гастрол концерт бирлашмаси”га айлантирилган. 2001 йил эса «Аму толқыны» фольклор этнографик ансамбли, «Гульзар» фольклор ансамбли сифатида фаолият юритиб келган. Ўзбекистон Республикаси Президентининг 2018 йил 27 июндаги ПҚ-3813-сонли “Ўзбекистон давлат филармонияси фаолиятини ташкил этиш чора-тадбирлари тўғрисида”ги қарорига асосан Ўзбекистон давлат филармонияси Қорақалпоғистон Республикаси бўлинмаси қайта ташкил этилди.
Ўзбекистон давлат филармонияси Қорақалпоғистон Республикаси бўлинмаси жамоалари ҳозирги кунда мунтазам равишда мамлакатимизга, Қорақалпоғистон Республикасига ташриф буюраётган хорижий делегациялар, сайёҳларга, шунингдек, давлат аҳамиятига эга бўлган қабул маросимларида ўзбек ва қорақлпоқ санъати ва маданиятини тарғиб этиб, турли концерт дастурлари билан маданий хизмат кўрсатиб келмоқда.
Бўлинма ҳузуридаги ансамбллар ижодий фаолияти давомида нафақат мамлакатимизда, балки Европа мамлакатларида, Бенилюкс давлатларида, Бельгия пойтахти Брюсселда, Нидерландия пойтахти Гаагада, Люксембург Герцоглигида ва Франция, Германия, Малайзия, Қирғизистон, Қозоғистон, Тожикистон, Туркманистон ва хорижий мамлакатларда ижодий сафарларда бўлиб, ўзбек ва қорақалпоқ санъатини тарғиб қилишда, халқлар ва мамлакатлар ўртасидаги дўстлик ришталарини янада мустаҳкамлашда муносиб хизмат кўрсатиб келмоқда.
Жорий йилнинг ҳисоботига кӯра санъат ва маданиятнинг бир қатор йўналишларида фаол ва фидокорона меҳнат қилган Ўзбекистон давлат филармонияси Қорақалпоғистон Республикаси бўлинмасининг «Мухаллес дуторчилар» ансамбли созандаси Қорақалпоғистон Республикаси халқ бахшиси Алламбергенова Гулнара Юсупбаевна Сурхондарё вилоятида ӯтказилган бахшичилик фестивалида фақрли учинши ӯринни эгаллаб пул мукофоти билан тағдирланди. Шунингдек Сурхондарё вилояти Термиз шахрида ӯтказилган “Ι-Xaлқaро бахшичилик фестивали доирасида республика бахшиларининг кӯрик танлови ӯтказилди. Шу кӯрик танловга фаол қатнашгани учун филармония бахшиси Лола Мухаммеддинова ва Бегзада Асқаровалар диплом ва пул мукофатлари соҳиби бўлди. “Ι-Xaлқaро бахшичилик фестивалин ташкиллаштириш ва ӯни ӯтказишда фаол иштироки учун Ўзбекистон давлат филармонияси Қорақалпоғистон Республикаси бўлинмаси директори Есемуратов Бахтияр Сагидуллаевич Ўзбекистон Республикаси Маданият вазирлиги тамонидан “ТАШАККУРНОМА” билан тақдирланди. Шу билан бирга филармония жамоаси ҳар йили ӯтказилаётган “Мукаррама Турғунбоева” номидаги миллий рақс ёш ижрочиларининг Республика ҳамда “Рақс сеҳри” халқаро ва бошқада танловларида мунтазам қатнашиб ӯз маҳоротларини кӯрсатиб, яхши натижаларга эришиб келмоқда.
Жорий йилда Ӯзбекистон Республикаси давлат мустақиллигининг йигирма саккиз йиллик байрами муносабати билан Ўзбекистон давлат филармониясининг Қорақалпоғистон Республикаси бўлинмаси директори, жиров Есемуратов Бахтияр Сагидуллаевич ва “Мухаллес” дуторчилар ансамблининг бахши-созандаси Оринбаева Улбосын Адилбаевналар “Шуҳрат” медали билан тақдирланди, ва яна “Аму толқыны” фольклор этнографик ансамбли раққосаси Жақсыбаева Зийўар Жолдасбаевна «Қорақалпоғистон Республикасига хизмат кӯрсатган артист» унвони билан мукофатланди.
