18-май куни Қорақалпоқ давлат ёш томошабинлар театрида Амет ва Айимхон Шамуратовалар уй музейининг 20 йиллиги муносабати билан тадбир ташкил этилди
18-май куни Қорақалпоқ давлат ёш томошабинлар театрида Амет ва Айимхон Шамуратовалар уй музейининг 20 йиллиги муносабати билан тадбир ташкил этилди. Мазкур музей ёзувчи, шоир, драматург ва таржимон Амет Шамуратов ва унинг турмуш ўртоғи биринчи қорақалпоқ актрисаси Ўзбекистон ва Қорақалпоғистон халқ артисти, “Буюк хизматлари учун” ордени эгаси Айимхон Шамуратоваларга бағишланган. Тадбирга Ўзбекистон давлат филармонияси Қорақалпоғистон Республикаси бўлинмаси “Халқ чолғулари” оркестри, “Мухаллес дуторчилар” ансамбли, “Ашула ва рақс” ансамбли, “Аму толқыны” фольклор этнографик ансамбли, “Гулзар” фольклор ансамблидан Қорақалпоғистонга хизмат кўрсатган артист С.Каллибеков, Қорақалпоғистонга хизмат кўрсатган маданият ходими К.Хитжанов, хонанда Б.Қазақбаев ва раққоса қизларимиз иштирок этди.
