ϴзбекстан мәмлекетлик филармониясы Қарақалпақстан Республикасы бѳлими қарақалпақ эстрада жулдызларының «Қарақалпақ ырғақлары» атлы концерт бағдарламасы көтериңки рухта болып өтти.

⚡️Усы жылдың 14-март күни Ташкент қаласы Түркистан сарайында ϴзбекстан мәмлекетлик филармониясы Қарақалпақстан Республикасы бѳлими қарақалпақ эстрада жулдызларының «Қарақалпақ ырғақлары» атлы концерт бағдарламасы көтериңки рухта болып өтти.
ϴзбекстан мәмлекетлик филармониясы Қарақалпақстан Республикасы бѳлими қурамында «Аму толқыны» фольклор этнографиялық, «Гүлзар» фольклор, «Мухаллес» дуўтаршылар, «Қосық ҳәм аяқ-ойын» ансамбльлери, сондай-ақ, «Халық сазлары» оркестри жумыс алып барып атырған дөретиўшилик жәмәәтлердиң бул сапарғы есап бериў концерти жанлы ҳаўазда атқарылды. Бул болса концертке жыйналған көп санлы тамашагөйлердиң ҳәм Ташкент қаласындағы жерлеслеримиздиң кеўиллерине өзгеше илҳәм-йош, көтериңкилик бағышлады. Концерт соңында ϴзбекстан мәмлекетлик филармониясы Қарақалпақстан Республикасы бѳлими директоры Қарақалпақстанға хызмет көрсеткен артист, «Шухрат» медалы ийеси Есемуратов Бахтияр Сагидуллаевич бәрше концерт қатнасыўшыларына өз рахметлерин айтып дөретиўшилик жумысларында табыслар ҳәм басланып атырған быйылғы 2022-жыл бәрше қоллап-қуўатлаған гүллан халқымыз ҳәм Ташкент қаласындағы қарақалпақ ықласпентлеримиз ушын табысларға, жетискенликлерге толы жыл болыўын тиледи.

✅©O’zbekstan ma’mleketlik filarmoniyasi Qaraqalpaqstan Respublikasi bo’limi