ЎЗБЕКИСТОН ДАВЛАТ ФИЛАРМОНИЯСИНИНГ КЕНГАЙТИРИЛГАН ЙИҒИЛИШИ БЎЛИБ ЎТДИ
Жорий йилнинг 28 январь куни Ўзбекистон давлат филармониясининг 2021 йил якунлари ва 2022 йил режаларига бағишланган, Филармония бош директори в.б Анвар Тажибоев раислигида Кенгайтирилган йиғилиши бўлиб ўтди.
Йиғилишда Ўзбекистон давлат филармонияси маркази й аппарат ходимлари, Бадиий жамоалар ва вилоят ҳудудий бўлинма раҳбарлари иштирок этди.
Йиғилиш кун тартибида:
— Филармония ҳамда унинг ҳудудий бўлинмалари томонидан 2021 йилда амалга оширилган ишларнинг танқидий таҳлили;
— Республика миқёсидаги асосий байрам тадбирларига тайёргарлик кўриш, Тошкент шаҳри ва вилоятларда ташкил этилаётган концерт-томоша тадбирларнинг ташкилий ва бадиий савияси,
шу билан бирга, 2022 йилда амалга оширилиши режалаштирилган янги лойиҳалар таҳлили;
— 2021 йилда мамлакатимиз аҳолисининг мусиқий эҳтиёжини қондириш, лекторий концерт дастурларини ташкил этиш ва ўтказиш, Филармония “Олтин фонди”ни янги, юксак бадиий савиядаги мусиқа асарлари, жумладан, миллий мумтоз ва жаҳон классик мусиқасига доир асарлар билан бойитиш, узоқ муддатли репертуар сиёсатини амалга ошириш, жамоаларнинг ижодий салоҳиятини янада мустаҳкамлаш ҳамда ривожлантириш юзасидан амалга оширилган ишлар, 2022 йилда амалга оширилиши режалаштирилган истиқболли режалар;
— Филармония ҳамда унинг ҳудудий бўлимлари иқтисодий-молиявий аҳволи, пул тушумлари, ойлик иш ҳаққи ва молиявий рағбатлантиришлар, 2021 йил таҳлиллари
ҳамда 2022 йилда кутилаётган натижалар, уларни амалга оширишда бажарилиши лозим бўлган ишлари таҳлили;
— Филармониянинг халқаро алоқаларни ривожлантириш, хорижий давлатлардаги соҳавий ташкилотлар билан ҳамкорлик алоқаларини ўрнатиш таҳлили;
— Филармония ва унинг ҳудудий бўлинмаларидаги бадиий раҳбар ходимлар, мутахассислар малакасини ошириш, малкали кадрларга бўлган эхтиёжни қондириб бориш, истиқболли кадрлар билан ишлаш тизимини янада такомиллаштириш юзасидан таклифлар таҳлили;
— Филармония ҳамда унинг ҳудудий бўлинмаларида юклатилган вазифа ҳамда топшириқларни ўз вақтида ва сифатли бажаралиши, унинг назоратини тизимли йўлга қўйиш мақсадида замонавий
ахборот-коммуникация технологияларидан кенг фойдаланишни йўлга қўйиш, шунингдек, Филармония ва унинг ҳудудий бўлинмаларида амалга оширилаётган ишлар билан кенг жамоатчиликни хабардор этиш, оммавий ахборот воситаларини сифатли ва тезкор ахборот билан таъминлаш, оммавий ахборот воситалари вакиллари билан ишлаш сифатини янада ошириш масалалари кўриб чиқилди.
Йиғилиш кун тартибидаги барча масалалар ўрганилиб, йўл қўйилган камчиликлар бўйича ходимларга интизомий чоралар белгиланди. Ютуқлар эътироф этилиб, йил давомида яхши кўрсатгичга эга бўлган ҳудудлар ва соҳа раҳбарлари рағбатлантирилди. Шу билан бирга 2022 йилда бажарилиши керак бўлган ишлар режаси тасдиқланди.
