8-январь Прокуратура хызметкерлери күни

ПРОКУРОРЛАР

Сизлер таңлағансыз қыйын жолларды,
Бақлайсыз ҳәр күни оң ҳәм солларды,
Мәқсет сол көбейтиў «Таза қоллар»ды,
Нийетиңиз дүзиў прокурорлар.

Тынышлық, татыўлық гөзлегениңиз,
Әдиллик, туўрылық излегениңиз,
Елдиң мәпи атқан ҳәр қәдемиңиз,
Ел-халқына садық прокурорлар.

Мудам қәлбиңизде нызамға ҳүрмет,
Оны қәдирлеген инсанға ҳүрмет,
Инсан мәпин қорғаў әдиўли миннет,
Кәсибине садық прокурорлар.

Тийкарғы нызамым, баслы қуралың,
Булжытпай орынлаў баслы ураның,
Келешек әўладтың бахыт-ығбалын,
Ҳәр күни ойлаған прокурорлар.

Шаққанлық, епшиллик табылар сизден,
Мәртлиқ ҳәм қайсарлық көринер жүзден,
Теңсизлик, зулымлық шынжырын үзген,
Еркин ел қорғаны прокурорлар.