НУКУС ШАҲРИДА МОТАМСАРО ОНА ҲАЙКАЛИ ПОЙИГА ГУЛЧАМБАРЛАР ҚЎЙИЛДИ
Бугун, 14 январь – Ватан ҳимоячилари куни ҳамда Ўзбекистон Қуролли Кучлари ташкил этилганининг 28 йиллиги байрами муносабати билан Қорақалпоғистон Республикаси пойтахти Нукус шаҳрида жойлашган “Мотамсаро она ҳайкали”га эҳтиром намунаси кўрсатилди.
Қорақалпоғистон Республикаси Жўқорғи Кенгеси ҳамда Вазирлар Кенгаши, Мудофаа, Ички ишлар, Фавқулодда вазиятлар вазирликлари, Миллий гвардия, Давлат хавфсизлик хизмати, прокуратура, Давлат божхона ва солиқ қўмиталарининг ҳудудий бўлинмалари, кенг жамоатчилик, Қуролли Кучлар фахрийлари ва ёшлар иштирок этди.
Маросимда Қорақалпоғистон Республикаси Жўқорғи Кенгеси раиси Муса Ерниязов қатнашди.
Тадбир сўнгида гарнизонда жойлашган Қуролли Кучларнинг куч тузилмалари тантанали саф билан ўтишди.
Байрам тантанасининг иккинчи қисми Бердақ номидаги Қорақалпоқ давлат академик мусиқали театрида бўлиб ўтмоқда.
