Өзбекстан Республикасы Қураллы Күшлери шөлкемлестирилгенлигиниң 28 жыллығы ҳәм де 14-январь – Ўатан қорғаўшылары күнине бағышланған концерт дәстури болып өтти.
Өзбектсан Республикасы Президентиниң №П-5529-санлы Пәрманы тийкарында Өзбекстан Республикасы Қураллы Күшлери шөлкемлестирилгенлигиниң 28 жыллығы ҳәм де 14-январь – Ўатан қорғаўшылары күнине бағышланған «Ўатанпарўарлық – миллий тиклениўдиң гиреўи» ураны астында өткерилетуғын айлық шеңберинде Қарақалпақ мәмлекетлик жас тамашагөйлер театрында концерт дәстури болып өтти.
Театр тәрепинен байрам концертиниң сценарий ислеп шығылды. Концертке Қарақалпақстан көркем өнер атқарыўшылары, Нөкис Арқа-Батыс әскерий гарнизонының әскерий оркестри ҳәм әскерий хызметкерлер өзлериниң қосық-композициялары менен қатнасты.
«Ўатанпарўарлық – миллий тиклениўдиң гиреўи» айлығы шеңберинде Қарақалпақ мәмлекетлик жас тамашагөйлер театрында “Аскар оналарини шарафлаймиз” атлы илаж болып өтти.
Нөкис Арқа-Батыс әскерий гарнизоны тәрепинен шөлкемлестирилген илажда Қарақалпақстан Республикасы Ҳаял-қызлар Кеңесиниң баслығы З.Ибрагимова да қатнасты. Өзбекстан Республикасының он алты ўалаятларынан келген әскер аналарына Нөкис Арқа-Батыс әскерий гарнизоны ҳәм Қарақалпақстан Республикасы Ҳаял-қызлар Кеңеси тәрепинен алғыснама ҳәм саўғалар берилди. Театр фойесинде әскерий қураллардың көргизбеси шөлкемлестирилди.
