Беруний районынан 10 шаңарақ қатнасып, «Дослық» АПЖ турғыны Хажиевлер шаңарағының 6 ағзасы 10 күнде 7 тонна 998 кг, ал, Қанлыкөл районынан 3 шаңарақ қатнасып «Маденият» АПЖ турғыны Бийсенбаевлар шаңарағының 4 ағзасы 8 тонна 261 кг пахта терип «Спарк» автомашинасын жеңип алды.
Хабарыңыз бар, Қарақалпақстан Республикасы Жоқарғы Кеңеси тәрепинен 2019-жылы жетистирилген пахта зүрәәтин тез пурсатта шөлкемлескенлик пенен терип жыйнап алыў ҳәм теримшилерди хошаметлеў мақсетинде 27-сентябрь ҳәм 7-октябрь аралығында «10 күн ишинде ең көп пахта терген шаңарақ» таңлаўы жәрияланған еди.
Усы таңлаўға Беруний районынан 10 шаңарақ қатнасып, «Дослық» АПЖ турғыны Хажиевлер шаңарағының 6 ағзасы 10 күнде 7 тонна 998 кг, ал, Қанлыкөл районынан 3 шаңарақ қатнасып «Маденият» АПЖ турғыны Бийсенбаевлар шаңарағының 4 ағзасы 8 тонна 261 кг пахта терип «Спарк» автомашинасын жеңип алды.
8-октябрь күни Қарақалпақстан Республикасы Жоқарғы Кеңесиниң Баслығы М.Ерниязов жеңимпазларға автомобиль гилтлерин тапсырды. Жеӊимпазларды сыйлықлаӯ мәресимине бағышланған Өзбекстан мәмлекетлик филармониясы Қарақалпақстан Республикасы бөлими тәрепинен концерт бағдарламасы қойып берилди.
Беруний районы
Беруний районынан жарысқа белсене қатнасып ең көп пахта терген шаңарақларға, 2-орынға музлатқыш, 3-орынға газплитасы ҳәм басқа қатнасыўшыларға баҳалы саўғалар тапсырылды.
Қанлыкөл районында жарысқа қатнасып ең көп пахта терген Парахат Муратбаевтың шаңарағы 4 тонна 945 кг, Шийрингүл Өтемисованың шаңарағы болса 2 тонна 423 кг пахта терип баҳалы саўғалар менен сыйлыкланды
