Арал теңизиниң қурып қалған ултанында “Жасыл қапламалар”–қорғаныў тоғайлықларын жаратыў бас штабында жаңа жыл байрамы шөлкемлестирилди

2019-жылдыӊ 31-декабрь күни Арал теңизиниң қурып қалған ултанында “Жасыл қапламалар”–қорғаныў тоғайлықларын жаратыў бас штабында жаңа жыл байрамы шөлкемлестирилди. Байрам илажында Өзбекстан Республикасы Президентиниӊ кенесгөйи Т.Худайбергенов, Қарақалпақстан Республикасы Министрлер Кеңесиниң Баслығы Қ.Сариев, Аўыл хожалығы илимлериниң докторы З.Новицкий, Қарақалпақстан Республикасы Ишки ислер министриниң биринши орынбасары Б.Ражапов ҳәм басқалар қатнасып жыйналғанларды байрам менен қутлықлады.

Байрам кешеси Қарақалпақстан Республикасыныӊ белгили көркем өнер ғайраткерлери қатнасыўындағы концерт бағдарлама менен даўам етти. Концертке Өзбекстан мәмлекетлик филармониясы Қарақалпақстан Республикасы бөлиминен Қарақалпақстанға хызмет көрсеткен артист Бегис Темирбаев, Қарақалпақстанға мийнети сиӊген мәденият хызметкери Караматдин Хитжанов, эстрада қосықшылары Қуаныш Муратов, Наӯрыз Тлеӯов, Нурсулыӯ Төрениязова, Турдымурат Тилеӯмуратовлар ҳәм аяқ ойыншы қызларымыз қатнасты.