Оған район ҳәкими Д.Толыбаев қатнасты ҳәм бул имарат келешекте перзентлеримиздиң билимли, зейинли ҳәм елимиз ушын пидайы инсанлар болып жетилисиўинде, туңғыш көнликпелерди бериўине терең исеним билдирип, аймақ халқын жаңа жыл қарсаңындағы қуўанышлы күн менен қутлықлады.

Соң, 13-санлы Мәмлекетлик мектепке шекемги билимлендириў шөлкеминиң баслығы Г.Жумамуратоваға символлық гилт тапсырылып, лента кесилди.

Курылыс майданы 5001 метр квадрат, сметалық баҳасы болса, 3 млрд 352 млн сўмға тең болған бақша имаратының алдыңғы қуўатлылығы 50 орынға мөлшерленген болса, ири реконструкция ислеринен соң, 125 орынлық етип кеңейтилди. Сондай-ақ, бақша заманагөй инвентарлар менен тәмийинленген.

Имарат қурылысы “Нөкис қурылыс монтаж” ЖШЖ тәрепинен әмелге асырылды.