КЕМ ТӘМИЙИНЛЕНГЕН ШАҢАРАҚЛАР УШЫН УЛГИЛИ ЖОЙБАРЛАР ТИЙКАРЫНДА 10 ЖАЙ ТАПСЫРЫЛДЫ
Өзбекстан Республикасы Министрлер Кабинетиниң 2018-жыл 12-апрельдеги «Аўыр социаллық жағдайға түсип қалған ҳаял-қызларға, нәгиранлығы болған, кем тәмийинленген, перзентлерин толықсыз шаңарақларда тәрбиялап атырған ҳәм үй-жай шараятын жақсылыўға мүтәж аналарға арзан үй-жайлар бериў тәртиби туўрысындағы нызамын тастыйықлаў ҳаққында”ғы 285-санлы қарары тийкарында, Қанлыкөл районында жасаўшы, аўыр турмыс жағдайына түсип қалған 10 ҳаял-қызларға үлгили жойбарлар тийкарында қурылған үй-жайлар тапсырылды. Бул үй-жайлар “Ҳаял-қызларды қоллап-қуўатлаў жәмәәт фонды” тарепинен, жәми 316 млн 867 мың 250 сўм муғдарында болып, ҳәр бири ушын 31 млн 686 мың 250 сўмнан басланғыш төлемлер төлеп берилди.
Үй-жайлардың ашылыў салтанатына Қарақалпақстан Республикасы Министрлер Кеңеси баслығының орынбасары, Ҳаял-қызлар комитети баслығы З.Ибрагимова, район ҳәқими Д.Толыбаев қатнасты ҳәм барше ҳаял-қызларды жаңа үйлери менен қутлықлап, гилтлери тапсырылды.
Сондай-ақ, оларға район ҳәкимлиги тәрепинен жаңа үйлерине саўға ретинде музлатқышлар инам етилди. Илаж соңында, жыйналғанлар ушын концерт бағдарламасы усынылды. Концертке Өзбекстан мәмлекетлик филармониясы Қарақалпақстан Республикасы бөлиминен Қарақалпақстанға мийнети сиӊген мәденият хызметкери Караматдин Хитжанов, эстрада қосықшыларынан Руслан Юсупов, Нурсулыӯ Төрениязова, Арысланбек Асқаровлар ҳәм аяқ ойыншы қызларымыз қатнасты.
