НӨКИСТЕ «ПАЛ ӨНИМЛЕРИ БАЙРАМЫ» БОЛЫП ӨТПЕКТЕ

Бүгин пайтахтымыздағы «Орайлық дийқан базары»нда Қарақалпақстан Республикасы Ветеринария ҳәм шарўашылықты раўажландырыў комитети ҳәм Палҳәррешилер асоциациясының шөлкемлестириўинде ҳәр жылы өткерилиўи дәстүрге айланған «Пал өнимлери байрамы» басланды.

Байрам мүнәсибети менен шөлкемлестирилген ярмаркада республикамыздағы палҳәррешилик пенен шуғылланатуғын 70ке шамалас фермер хожалықлары ҳәм жеке исбилерменлер өз өнимлери менен қатнаспақта.

Байрамға бағышланып көркем өнер шеберлериниӊ концерт бағдарламасы өткерилди. Концертке Өзбекстан мәмлекетлик филармониясы Қарақалпақстан Республикасы бөлиминиӊ қосықшыларынан Махсет Хожамуратов, Урхия Алланиязова, Тазабай Утениязов ҳәм Аман Даӯлетовлар қатнасты.